Për Ne

Alban A. Zeka është një ekspert i certifikuar në Menaxhimin e Projekteve (PMP®) dhe Praktikat Agile (PMI-ACP®), me përvojë të thellë në edukim, zhvillim organizativ dhe transformim digjital. Ai është themelues i organizatës “Me Dhe Për Kosovën” dhe nën-organizatave të saj që angazhohen në çështje të rëndësishme si të drejtat e fëmijëve, barazia gjinore, zhvillimi ekonomik, mjedisi dhe përfshirja sociale.

Përveç angazhimit në shoqërinë civile, Alban Zeka është themelues i kompanive Easy Learning Institution (qendër edukative për certifikime dhe testime ndërkombëtare), Matematick (platformë online për mësimin e matematikës) dhe Glocal Trades (kompani e fokusuar në tregtinë e produkteve bujqësore).

Si instruktor dhe krijues përmbajtjeje, ai është i përkushtuar të fuqizojë profesionistë dhe organizata përmes edukimit cilësor dhe përmbajtjes digjitale, me synim që të ndërtojë një komunitet më të aftë, më të vetëdijshëm dhe më të qëndrueshëm në Kosovë dhe më gjerë.

Beyza Dogan është eksperte në fushën e menaxhimit të portofolit dhe zhvillimit të edukimit ndërkombëtar. Ajo ka përfunduar studimet Master në Biznes Ndërkombëtar në University of the Incarnate Word në Teksas, SHBA, dhe ka diplomuar në Statistikë në Ege University, Izmir, Turqi.

Në Çikago, së bashku me Alban A. Zeka, ajo ka bashkëthemeluar platformën Matematick, që ndihmon studentë nga e gjithë bota të përmirësojnë njohuritë në fushat matematikore përmes qasjes digjitale dhe ndërkulturore në mësimdhënie.

Beyza është gjithashtu anëtare aktive e bordit të organizatës “Me Dhe Për Kosovën” dhe nën-organizatave të saj, ku kontribuon me përvojën dhe ekspertizën e saj në menaxhimin strategjik të iniciativave zhvillimore.

Aktualisht, ajo punon si Data & CRM Analytics Specialist në hellocare.ai.

Arbër A. Zeka është një profesionist i diplomuar në fushën e marketingut dhe ndërmarrësisë, me përvojë të gjerë në media, edukim dhe menaxhim projektesh. Ai është autor dhe drejtues i emisionit të njohur për të rinjtë “N’ZA” në Radio Televizionin e Kosovës (RTK), ku sjell në fokus temat më të rëndësishme për rininë dhe shoqërinë kosovare.

Aktualisht, Arbër Zeka është i angazhuar si Menaxher i Prodhimit në Marketing në Easy Learning Institution, ku kontribuon në zhvillimin dhe promovimin e përmbajtjes edukative.

Si anëtar i bordit të organizatës “Me Dhe Për Kosovën” dhe nën-organizatave të saj, ai ofron ekspertizën e tij si Menaxher i Projekteve, duke u angazhuar për zgjidhje kreative dhe të qëndrueshme për sfidat shoqërore. Ai njihet për aftësitë e tij udhëheqëse, komunikuese dhe përkushtimin ndaj kauzave të rëndësishme për vendin.